不知大家有沒有看雜誌的習慣 , 如有觀看 , 由其是觀看財經雜誌的朋友, 最近應該也會對 "投資者" vs " 經一 " 隔空舌戰看得著迷 , 你一言我一語 , 愈講就愈激 。
為物 ? 咪就為爭個銷量 第一 之名 。
大家也算是半個同行 , 他們賣 "情報" , 我賣的是"武器" , 我也是他們的讀者 , 工作關係也需收集情報 , 兩本書各有特色之處 , 一本免費 , 但比<<風雲>>還薄 , 一本收費 , 愈出愈肥美 。
啤著係你 , 你會選啤本 ? 我個人就書不怕讀 , 有書就讀 , 薄的你派過來 , 我咪睇一睇囉 , 肥的 , 遇著封面好 , 咪買一本囉 。價錢不算貴 , 比一餐M記還便宜 , 最重要看完 , 家父和母親也可觀看。 各有特色 , 反正你讀時不會留意內容, 只會注重有否評論自己的心水number , 同樣 , 看完也會只是記起另一堆number。
上個月某週末約見了一位客戶, 言談間原來他是從事報販行業的 , 細聽下原來行行搵食皆辛苦 , 但也行行有段故 , 當中談到便利店 , 網上免費新聞對行內發展的影響 , 影響是有的 , 但還是有得做有得賣的 , 一來書就手 , 隨時翻隨時看 , 十分方便 ; 你要我在電話度用手指篤來篤去, 我真係篤餐死。
回到自己的行業 , 賣武器 , 免費的對我們有沒有衝擊 ? 有 , 點都會有 , 正如經常有客戶問玩股票 , 睇"金錢18"都得啦 , 炒期指用"PS"都得啦 而且唔洗錢。
但你有沒有想過 , 你上到"戰場" , 真係無人情講的 , 唔係你死就係我亡 , 就算你亡左 , 都無人知你係邊個 , 輸哂本錢喊哂面口 , 冇人會同情你 , 真係好似殺戮都市。
同樣道理 , 你上到戰場試問拿住支刀仔點夠人地屠龍刀砍 ? 屠龍刀以為所向無敵 , 砍偏天下無敵手 , 點知突然殺出一個手揸AK47的 ..... 掃射五秒 , 萬夫莫敵 !
咁買支AK47咪得囉 ? 轉頭殺出一個揸坦克的...
咁得啦 , 我坦克都唔買了 , 直接升"呢" , 買架高達揸 , 你地仲唔死 ? 大地在我腳下 !
死得仲快 , 你連刀仔都唔曉揸 , 刀法也不曉 , 仲要操控架高達去作戰舞刀弄劍 ? 你搵得個製黎 , 時間都唔等你。
咁是否用刀仔便實死無生呢 ? 我想你也聽過小李飛刀, 例不虛發 。但這種人萬中無一。
用武器的最高境界是... 自己研發武器
最後一句 , 不管你是用飛刀好 , 屠龍刀又好 ... 高達都好 ~ 有空的話 , 儘量多抽空抽空研究自己的"武器"吧 。
