隱名交易， Dislike

「大摩同高盛都掃呀， UBS㩒住個價唔畀上喎！」呢啲經常喺銀行同埋經紀行聽到嘅大戶動向，一旦消失咗，你話幾咁悶。

港交所（ 388）揸 Fit人李小加話，港股內部結構部份好落後、有問題，同國際金融中心地位唔相符，要快啲改革。佢其中一項建議就係推行隱名交易，即係大利市機再睇唔到經紀牌。

唐牛對呢個建議好有保留，因為睇牌炒股係唐牛嘅習慣，亦係好多股民入唔入市嘅一個重要參考指標，如果有關建議落實之後，成交反而縮咗，到頭來邊個最蝕底呢？
李小加話，為咗跟蹤大戶動向借機會賺錢，唔係一個好嘅反對原因。唐牛就話，為咗跟隨歐美市場而硬上弓，都唔見得有道理。

講番股票，噚日見到佐丹奴（ 709）嘅買盤，好多都係嚟自同彤叔關係密切嘅證券行鼎珮，唐牛喺 6.43元已上車，上望 20日線 6.63元，穿上個月低位 6.34元就打靶，用十格博廿格！
唐牛



絕對反對 ! 唔少人靠呢招搵食的 ! 你廢左 , 要人地食谷種咩 !